Til málsvarnar lögreglu

Ég verð að játa það að ég er gjörsamlega sleginn yfir því hvernig fólk veltir sér upp úr því hvernig lögreglan tekur á mótmælendum. Hefur málstaðurinn færst frá því að krefjast breytinga á stjórnarháttum yfir í að krefjast þess að skyrblautir, lemstraðir, grjótbarðir, heyrnardaufir, svívirtir og annars-manns-hlandblautir lögreglumenn hegði sér eins og herramenn? Ofan á áðurgreinda niðurlægingu lögreglumannanna bætist það að þurfa að horfa á fólk brjóta lög beint fyrir framan nefið á sér án þess að fá neitt gert og að þurfa að vera miðpunktur flugeldasýningar þeirra sem henda kínverjum í þá.
Það kemur mér ekki á óvart að ljósmyndarar eða aðrir saklausir verði fyrir piparúða eða táragasi þegar lögreglan neyðist til að svara fyrir sig. Það er einfaldlega hættulegt að vera nálægt lögreglunni þegar henni er ógnað því ómögulegt er að hafa stjórn á atburðarrásinni þegar fullorðið fólk á í líkamlegum átökum.
Þegar allt virðist á hreyfingu í myrkrinu og skildir og hjálmar byrgja þeim sýn hljóta brigðulir lögreglumenn að gera mistök eins og við hin. Frá eigin reynslu veit ég að svívirðingar draga fram það versta í mér. Ég get ekki ímyndað mér hvernig mér myndi líða eða hvernig ég myndi hegða mér ef ég blandaði því í kokteil með ofbeldi og dash af niðurlægingu. Því segi ég: ljósmyndarar færið ykkur fjær mönnunum sem reyna að miða með hjálm á hausnum yfir skildina sem eru á hreyfingu eins og allt annað.

Að lokum: Eru lögreglumenn ekki launa lægstir? Þurfa þeir ekki að líða skort eins og við hin út af klúðri ríkisstjórnar þeirra og okkar? Deilan snýst ekki um hegðun lögreglumanna heldur um afglöp yfirvalda.

Munu hafa uppi á ofbeldismönnum

Athugasemdir

[Guðmundur Ásgeirsson, 22.1.2009 kl. 23:19]

Það er rétt að hlutskipti lögreglumanna er ekki öfundsvert. En þeir gengu vonandi sjálfviljugir í óeirðasveitina...

[Hallur (IP-tala skráð) 23.1.2009 kl. 00:48]

Heyr heyr! Ljósmyndarar færið ykkur fjær!

Hvað annarsstaðar í heiminum sér maður fífl með myndave´l ofan í hasarnum og vælandi yfir því að fá gusur? hvergi! Þessi menn eru skoffín.

[Skúli V Jónsson (IP-tala skráð) 23.1.2009 kl. 00:51]

Ég tek undir það að við verðum að bera virðingu fyrir þeim mönnum sem eru að reina að halda uppi lögum og reglu hér á landinu. Við verðum að átta okkur á að ef við högum okkur eins og gert var síðustu nótt þá eru við ekkert betri en þeir menn sem hafa sett okkur á hausinn því svona framkoma leiðir ekki til neins nema glötunnar.

[Guðrún Jónsdóttir, 23.1.2009 kl. 08:43]

Sammála og vona ég að þessir krakkar fái þungan dóm

[Kristján Þór Kristjánsson (IP-tala skráð) 23.1.2009 kl. 08:57]

Tek undir með því að þessir glæpamenn verði dregnir fyrir dóm, ekki spurning. En þetta "væl" í ljósmyndurum, hvar heyrist það? Hef sjálfur verið staddur á mótmælum og horft á blaðamenn vera marg-meisaða og ekki heyrt bobs frá þeim; þeir þrífa sig bara með mjólk og skella sér síðan að stað til þess að taka fleiri myndir.

Í guðana bænum hættiði þessu væli yfir "væli" í ljósmyndurum veriði ánægð að barnabörnin ykkar geti flett yfir þetta í sögubókunum.

[Jói Fr. (IP-tala skráð) 23.1.2009 kl. 16:28]

Bofs nei það er ekki svo einfalt að lögreguþjónar velji að hljóta þjálfun í óeirðasveitinni heldur eru allir lögregluskólanemar látnir fara í gegnum þá þjálfun og allir geta þeir át von á að veljast í sveitina þegar kallið kemur. Ekki eru hinsvegar allir til þess falnir að valda því að ausið sé yfir þá svívirðingum, grjóti, hlandi, flugeldum og fleiru, mér finst þessir menn og konur sem sóru þess eið að halda upp lögum í þessu landi hafa staðið sig frábærlega að lang flestu leiti þótt alltaf geti þeir eins og aðrir gert mistök og/eða gengið of langt sérstaklega þegar menn vinna 18-20 tíma nokkra daga í röð þá minkar dómgreind mjög hrat. Hitt veit ég að allar aðgerðir þessa dagana eru eða verða skoðuð til að læra og gera betur ef aftur þarf á þessu að halda, því segi ég við þá sem telja á sér brotið tilkynnið það til ríkissaksókanra og/eða kærið til ríkislögreglustjóra.

KV Jói Fr.